TÄZE ÝYL DABARALARY ULY RUHUBELENTLIGE BESLENÝÄR
58Bilim ojagymyzda Täze ýyl dabaralary biri-birine ulaşýar. Golaýda Aşgabat şäherindäki «Bagt ýoly» toý mekanynda aýdym-sazly baýramçylyk dabarasy geçirildi. Onda şanly ýylda gazanylan üstünlikler hakynda söhbet edildi. Dabara gatnaşyjylar uniwersitetiň «Altyn asyr» medeniýet merkeziniň taýýarlan çykyşlaryna tomaşa etdiler.
Gahryman Arkadagymyz ajaýyp şygrynda: «Durmuş bir kitap ýalydyr,//Her ýyl — täze sahypasy» diýip belleýär. Çykyş edenler ýetip gelýän Täze ýyl baýramy bilen tüýs ýürekden gutladylar. Arkadagly Gahryman Serdarymyzyň parasatly baştutanlygynda 2024-nji ýylyň S.A.Nyýazow adyndaky Türkmen oba hojalyk uniwersitetiniň durmuşynda uly üstünlikli ýyllaryň biri bolandygyny bellediler.
Täze ýyl hemmämize rysgal-döwlet, bagt getirsin! Täze ýyl bedew bady bilen ählimizi maksat-myrada ýetirsin! Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, belent başlary aman, ýurdy abadan bolsun, eziz Diýarymyzy gülledip ösdürmekde alyp barýan beýik işleri rowaç alsyn!
