TALYP ÝOLDAŞYMYZYŇ ÜSTÜNLIGI
233Ýakynda Türkmen oba hojalyk institutynyň guramagynda geçirilen «Agroinnowasiýalar: durnukly ösüşiň röwşen ýoly» atly halkara ylmy-taslama bäsleşiginde S.A.Nyýazow adyndaky Türkmen oba hojalyk uniwersitetiniň talyplary hem üstünlikli çykyş etdiler. Ýokary okuw mekdebimiziň Weterinar lukmançylygy fakultetiniň Zootehniýa taýýarlyk ugrunyň 2-nji ýyl talyby, «Ýaş weterinar lukmany» ylmy gurnagynyň agzasy Nurjan Babamyradowyň şol fakultetiň mugallym-öwrenijisi Çynar Gylyjowanyň ýolbaşçylygynda alyp barýan «Üzüm miwesini guşlardan goramak azyk bolçulygynyň esasy şertidir» atly ylmy taslama işi bäsleşigiň baýrakly II ornuna mynasyp boldy.
Mundan başga-da, Nurjan Babamyradow «Ýaş weterinar lukmany» ylmy gurnagynda uniwersitetimiziň Maldarçylyk kafedrasynyň uly mugallymy Gülendam Jumakulyýewanyň ýolbaşçylygynda «Hindi guşlarynyň dürli krosslarynyň ýatak şertlerinde ösdürilip ýetişdirilişiniň usullaryny senagat esasynda öwrenmek» atly ylmy işini hem alyp barýar.
Talyp deň-duşumyzy gazanan üstünligi bilen tüys ýürekden gutlaýarys.
Begenç BAÝRAMOW,
S.A.Nyýazow adyndaky Türkmen
oba hojalyk uniwersitetiniň 2-nji ýyl talyby,
«Ýaş weterinar lukmany» ylmy gurnagynyň agzasy.
