ORTA HÜNÄR OKUW MEKDEPLERINIŇ TALYPLARYNYŇ DERS BÄSLEŞIGINIŇ 1-nji TAPGYRY JEMLENDI
26215-16-njy noýabrda S.A.Nyýazow adyndaky Türkmen oba hojalyk uniwersitetiniň guramagynda ýurdumyzyň orta hünär okuw mekdepleriniň talyplarynyň arasynda matematika, fizika we informatika boýunça ders bäsleşiginiň 1-nji tapgyry geçirildi. Ol «Türkmenistanda tebigy we takyk ylmy ugurlara degişli dersleri okatmagy kämilleşdirmegiň Konsepsiýasyny» we «Türkmenistanda sanly bilim ulgamyny ösdürmegiň Konsepsiýasyny» durmuşa ornaşdyrmagyň Meýilnamalaryny, şeýle hem Türkmenistanyň bilim ministriniň 2022-nji ýylyň 7-nji martyndaky 77 belgili «Ýokary we orta hünär okuw mekdepleriniň arasynda bilim boýunça özara hyzmatdaşlygy üpjün etmek hakynda» Buýrugyny ýerine ýetirmek we orta hünär okuw mekdepleriniň talyplarynyň arasynda zehinli ýaşlary ýüze çykarmak maksady bilen guraldy.
Düzgünnama laýyklykda, bäsleşik ýurdumyzyň orta hünär okuw mekdepleriniň talyplarynyň arasynda 2 tapgyrda şahsy bäsleşik görnüşinde geçirilýär. Bäsleşige her orta hünär okuw mekdebinden her dersden 5 talyp gatnaşyp bilýär.
Bäsleşigiň 1-nji (welaýat) tapgyry 2024-nji ýylyň noýabr aýynyň 15-ine sagat 10:00-da matematika, 14:00-da fizika, noýabr aýynyň 16-syna 10:00-da informatika dersinden S.A.Nyýazow adyndaky Türkmen oba hojalyk uniwersitetiniň web saýtynyň üsti bilen bilim portalynyň binýadynda onlaýn görnüşinde göni wideoaragatnaşyk arkaly geçirildi.
Bäsleşigiň 2-nji (döwlet) tapgyry S.A.Nyýazow adyndaky Türkmen oba hojalyk uniwersitetiniň kitaphanasynda geçiriler.
Bäsleşigiň birinji tapgyrynyň netijeleri bilen şu ýerden tanşyp bilersiňiz.
