ÄHLIHALK BAG EKMEK DABARASYNA GATNAŞYLDY
322Hormatly Prezidentimiz Arkadagly Gahryman Serdarymyzyň saýasynda ýurdumyzyň Milli tokaý maksatnamasyny üstünlikli durmuşa geçirmekde, şeýle-de ekologiýa abadançylygyny has-da pugtalandyrmakda uly ähmiýete eýe bolan işler amala aşyrylýar. Şu gün eziz Diýarymyzda ählihalk bag ekmek dabarasynyň geçirilmegi munuň aýdyň mysalydyr. Bu däbe öwrülen asylly çäre pederlerimiziň ýörelgeleri esasynda has-da giň gerime eýe bolýar.
Ählihalk bag ekmek dabarasyna hormatly Prezidentimiz Arkadagly Gahryman Serdarymyzyň gatnaşmagy we bu çärä bag ekmek bilen ak pata bermegi bizi has-da buýsandyrýar.
Şu asylly çärä baýry ýokary okuw mekdebi bolan S.A.Nyýazow adyndaky Türkmen oba hojalyk uniwersitetiniň bagtyýar talyp ýaşlary we professor-mugallymlary hem gatnaşdylar. Bu çäre ýaşlarda ekologiýa medeniýetini kämilleşdirmekde, ýurdumyzyň gözel tebigatyna bolan söýgini artdyrmakda möhüm ähmiýetlidir.
Häzirki wagtda diňe bir paýtagtymyzda däl, eýsem, ýurdumyzyň welaýatlarynda ýaşyl tokaý zolaklary emele gelip, olar howany arassalamakda, topragyň melioratiw ýagdaýyny gowulandyrmakda uly orun tutýar.
Ýurdumyzda ekologiýa abadançylygyny üpjün etmek, daşky gurşawyň sazlaşygyny ylmy esasda alyp barmak, türkmen tebigatynyň gözelliklerini goramak, Diýarymyzy bagy-bossanlyga öwürmek babatynda giň gerimli işleri durmuşa geçirýän Gahryman Arkadagymyza, Arkadagly Gahryman Serdarymyza köp sagbolsun aýdýarys.
