ÇEHIÝA RESPUBLIKASYNYŇ ÝOKARY OKUW MEKDEPLERINIŇ WEKILLERI UNIWERSITETIMIZDE MYHMANÇYLYKDA BOLDULAR
425-nji noýabrda Çehiýa Respublikasynyň ýokary okuw mekdepleriniň wekillerinden ybarat topar S.A.Nyýazow adyndaky Türkmen oba hojalyk uniwersitetinde myhmançylykda boldy. Onuň düzüminde Pragadaky Çarlz uniwersitetiniň, Himiýa tehnologiýasy uniwersitetiniň Biznes mekdebiniň, Çeh oba hojalyk uniwersitetiniň, Zlindäki Tomaş Batýa adyndaky uniwersitetiň, «ÇehPoint.Uz» agentliginiň wekilleri bar.
Myhmanlar Türkmen oba hojalyk uniwersiteti bilen tanyşdyrylyp, Çehiýanyň ýokary okuw mekdepleriniň wekilleri bilim ojagymyz bilen işjeň hyzmatdaşlyk saklamaga, şol sanda şu ýylyň dekabr aýynda uniwersitetimizde geçirilmegi meýilleşdirilýän onlaýn ekologiýa olimpiadasyna gatnaşmaga çagyryldy.
Myhmanlar myhmansöýerlik bilen garşylanandyklary üçin köp sagbolsun aýdyp, wekilçilik edýän uniwersitetleri, olarda alnyp barylýan işler, hyzmatdaşlyk mümkinçilikleri hakynda gürrüň etdiler. Geljekde oba hojalygynyň dürli ugurlary boýunça hünärmenleri taýýarlamakda tejribe alyşmak, bilelikde işlemek hakynda başlangyçlar öňe sürüldi.
