MUGALLYMYMYZ BAÝKAL ÝAŞLAR FORUMYNA GATNAŞDY
198S.A.Nyýazow adyndaky Türkmen oba hojalyk uniwersitetiniň Ekerançylyk kafedrasynyň mugallymy Ahmetnur Nurmuhammedow 15 — 20-nji awgust aralygynda Russiýa Federasiýasyna iş saparynyň çäginde, Türkmenistanyň wekiliýetiniň düzüminde Burýatiýa Respublikasynda geçirilen VII Baýkal ýaşlar forumyna gatnaşdy.
Forumyň her bir güni çärelerdir maslahatlara baý boldy. Onuň dowamynda ýaşlary dürli ugurlarda kämilleşdirmek, ýaşlar syýasatynyň ileri tutulýan ugurlary bilen baglanyşykly çykyşlar diňlendi. Ýokary okuw mekdepleriniň arasynda ýaşlaryň halkara hyzmatdaşlygyny ösdürmegiň giň mümkinçilikleri ara alnyp maslahatlaşyldy. Ýaşlar işewürligi hakynda maslahatlar berildi.
Ildeşlerimiz hormatly Prezidentimiz Arkadagly Gahryman Serdarymyzyň taýsyz tagallalary bilen döwlet ýaşlar syýasatyny durmuşa geçirmek boýunça alnyp barylýan işler bilen foruma gatnaşyjylary tanyşdyrdylar. Şeýle-de şu ýyl ýurdumyzda akyldar şahyrymyz Magtymguly Pyragynyň doglan gününiň 300 ýyllygynyň giňden bellenilýändigi, TÜRKSOÝ tarapyndan 2024-nji ýylyň «Türki dünýäsiniň beýik akyldary we şahyry Magtymguly Pyragynyň ýyly» diýlip yglan edilendigi, Änew şäheriniň «Türki dünýäsiniň medeni paýtagty» hökmünde saýlanyp alnandygyny nygtaldy.
VII Baýkal ýaşlar forumynyň dowamynda «Baýkal kölüne salam!» atly tebigatyň gözel ýerlerine syýahat maksatnamasy, «Dostlugyň oýunlary» atly gyzykly sport çäresi, «Dünýä ülkeleri» atly medeni agşamlar, tematik maslahatlar we beýleki gyzykly çäreler guraldy.
Orazmyrat ŞIHBERDIÝEW,
S.A.Nyýazow adyndaky Türkmen
oba hojalyk uniwersitetiniň Oba
hojalygynyň mehanizasiýasy fakultetiniň
Melioratiw işleri mehanizmleşdirmek
hünäriniň 2-nji ýyl talyby.
