“Arkadag Serdarly bagtyýar ýaşlar – Tebigaty goramakda Döwletiň kuwwatly geljegidir” atly maslahat geçirildi
641Hormatly Prezidentimiz Arkadagly Serdarymyzyň parasatly we öňdengörüjilikli syýasaty bilen Berkarar döwletiň täze eýýamynyň Galkynyşy döwründe “Arkadag Serdarly bagtyýar ýaşlar ýyly” diýip atlandyrylan ýylymyzyň her bir güni toý baýramlara beslenýär. Milli ykdysadyýetimiziň ähli pudaklary bilen bir hatarda ýurdumyzda ekologiýa abadançylygyny üpjün etmek, daşky gurşawy goramak, türkmen tebigatyny baýlaşdyrmak babatynda mynasyp işler üstünlikli durmuşa geçirilýär.
S.A.Nyýazow adyndaky Türkmen oba hojalyk uniwersitetinde, Türkmenistanyň tebigaty goramak jemgyýetiniň hünärmenleriniň we uniwersitetiň halypa mugallymlarynyň çykyş etmeklerinde “Arkadag Serdarly bagtyýar ýaşlar – Tebigaty goramakda we baýlaşdyrmakda Döwletiň kuwwatly geljegidir” atly dabaraly maslahat geçirildi. Bu mashata uniwersitetiň we Aşgabat şäherindäki agrosenagat orta hünär okuw mekdebiniň talyp ýaşlary hem-de Aşgabat şäherindäki umumy bilim berýän orta mekdep okuwçylary hem gatnaşdylar. Maslahatyň dowamynda çykyş edenler eziz diýarymyzda Türkmen halkynyň Milli Lideri, Gahryman Arkadagymyzyň başlangyçlary bilen öňe sürlen we Arkadagly Serdarymyzyň üstünlikli durmuşa geçirýän maksatnamalaýyn işleriň esasynda tebigy baýlyklarymyzy goramak, ylmy esasda öwrenmek we baýlaşdyrmak babatynda ýetilýän sepgitler dogrusynda uly buýsanç bilen bellediler. Şeýle-de Türkmenistanyň tebigaty goramak jemgyýetiň hem-de uniwersitetiň bilelikde taýýarlan türkmen tebigatynyň haýwanat dünýäsinde gabat gelýän guşlar we ýabany haýwanlar bilen baglanşykly gurnalan sergi eksponatlaryna gezelençler gurnaldy.
Maslahatda türkmen tebigatynyň baýlaşýandygy babatyndaky çykyşlar talyp ýaşlarda we mekdep okuwçylarynda ýakymly ýatlamalary galdyrdy. Maslahatyň dowamynda türkmen tebigatyny goramak we ony baýlaşdyrmak hem-de geljekki nesillerimize asyl durkunda ýetirmek babatynda ýetilýän üstünlikler üçin Türkmen halkynyň Milli Lideri, Gahryman Arkadagymyza, Hormatly Prezidentimiz Arkadagly Serdarymyza hoşallyklaryny aýtdylar.
Amanmyrat Ataýew
S.A.Nyýazow adyndaky Türkmen oba hojalyk uniwersitetiniň
Maglumat ulgamlary we sanly tehnologiýalar kafedrasynyň uly mugallymy
