Täze ýyl baýramy mynasybetli uniwersitetimizde baýramçylyk dabarasy geçirildi
612Eziz watanymyzda Arkadagly Serdarymyzyň parasatly tutumly işleriniň netijesinde türkmen halkymyzyň her bir güni rowaçlyklara, zähmet ýeňişlerine beslenýär. “Halkyň Arkadagly zamanasy” diýlip atlandyrylan 2022-nji ýylymyz, ähli babatda ýurdumyz üçin düşümli ýyllaryň biri boldy. Çünki Arkadagymyzyň pähim-paýhasyndan ýylymyz batly gadamlar bilen başlap, täze bir döwre ýagny, Berkarar döwletiň täze eýýamynyň Galkynyşy döwrüne badalga berildi. Arkadagly Serdarymyzyň döwlet baştutanlygyna saýlanylyp, halkymyzyň, milletimiziň bähbidine amala aşyrýan beýik işleri bolsa 2022-nji ýylymyzyň türkmen halky üçin düşümli ýyl bolandygynyň subutnamasydyr. Tamamlanyp barýan 2022-nji ýylymyzyň üstünlikleri täze ýylymyza badalga, ynam we güýç berip, baýramçylyk ruhuny arşa galdyrýar.
Şu günler täze ýyl baýramy mynasybetli ýurdumyzyň dürli künjekleri hakyky baýramçylyk öwüşgünine beslendi. Agzybirligiň, şatlygyň, berekediň alamaty bolan täze ýyl baýramçylygy mynasybetli S.A.Nyýazow adyndaky Türkmen oba hojalyk uniwersitetimizde baýramçylyk dabarasy geçirildi. Bu dabara uniwersitetimiziň bagtyýar talyp ýaşlary, professor-mugallymlary we beýleki myhmanlar gatnaşdylar. Dabarada uniwersitetimiziň çeper höwesjeňler topary ajaýyp aýdymlar, tanslar, degişme sahnalary we baýramçylyk gutlaglary bilen çykyş etdiler. Aýaz babanyň we Garpamygyň baýramçylyk dabarasyna gatnaşyp, bu ýere gelenleri täze 2023-nji ýyl bilen gutlamagy bolsa dabara has-da öwüşgün çaýdy. Täze ýyl arçalary, baýramçylyk saçagy we dürli hili bezegler bilen bezelen meýdança hakyky baýramçylyk ruhuna eýe boldy.
Dabaranyň dowamynda edilen çykyşlarda eziz watanymyzyň gülläp ösmeginde Gahryman Arkadagymyzyň we Arkadagly Serdarymyzyň amala aşyrýan beýik özgertmeleriniň waspy giňden ýetirilip, täze ýylymyzda hem bu üstünlikleriň rowana ýollarda rowaç almagy ugrunda arzuwlar aýdyldy.
Baýramowa Aýşa
S.A.Nyýazow adyndaky Türkmen oba hojalyk uniwersitetiniň
Weterinar lukmançylygy fakultetiniň 2-nji ýyl talyby
