Uniwersitetimizde talyplaryň arasynda “DIL BILEN DÜNÝÄNI GEZER” atly bäsleşik geçirildi
593Berkarar döwletiň täze eýýamynyň Galkynyşy döwründe Gahryman Arkadagymyzyň, Hormatly Prezidentimiz Serdar Berdimuhamedowyň yolbaşçylygynda yaş nesliň döwrebap bilim almagyny gazanmak, olary milli ruhda terbiyelemek, döredijilik ukyplaryny kämilleşdirmek, ylym bilen meşgullanmak mümkinçiligini ösdürmek babatda ägirt uly işler durmuşa geçirilýär. Şeýle hem “Turkmenistanda daşary ýurt dillerini okatmagy kamilleşdirmegiň Konsepsiýasyndan”, “Türkmenistanda sanly bilim ulgamyny ösdürmegiň Konsepsiýasyndan” we olary amala aşyrmak boyunça uly işler amala aşyrylýar. Bu ýerine yetirilmeli çäreleriň meýilnamasyndan gelip çykýan wezipeleri amala aşyrmak maksady bilen ýakynda S.A.Nyýazow adyndaky Türkmen oba hojalyk uniwersitetinde “Dil bilen dünýäni gezer” atly iňlis dilinde bäsleşik geçirildi. Bäsleşige uniwersitetiň fakultetlerinden düzülen iňlis diline ökde, ukyp başarnykly talyplar toparlary gatnaşdylar.
Bäsleşigiň şertlerine laýyklykda talyplar öz aralarynda öz toparlaryny iňlis dilinde tanyşdyrmak, bije çekmek esasynda saýlanan temalar boýunça çykyş etmek, iňlis dilinde dialog ýa-da tekst diňledip, eşidenlerini öz sözlerinde beýan etmek, toparyň her bir agzasy eşitdiriljek sözleri “Spelling – bee” görnüşinde dogry harplap aýtmak şeýle-de ekranda görkezilen suratlary wasp etmek şertleri boýunça öz aralarynda bäsleşdiler. Bäsleşigiň şertler arkaly çekeleşikli ýagdaýynda geçmegi talyp ýaşlarmyzyň daşary ýurt dillerini kämil derejede bilýändiklerini görkezdi. Emin-agzalaryň çykaran netijeleri boýunça toparlara adalatly baha berlip, ýeňijiler yglan edildi. Bäsleşikde üstünlikli çykyş edip has-da tapawutlanan toparlaryň arasynda Oba hojalygyň ykdysadyýeti we dolandyrylyşy fakulteti 3-nji orna, Oba hojalygyň meliorasiýasy fakulteti 2-nji orna, oba hojalyk önümlerini gaýtadan işlemek fakulteti 1-nji orna, weterinar lukmançylygy fakultetiniň talyplar topary bolsa baş baýraga mynasyp boldular.
Bäsleşigiň ahyrynda talyp ýaşlar kämillik ýolunda öňe gitmäge, özleriniň ukyp başarnyklaryny görkezmäge, döredijilik bilen meşgullanmaga döredip berýän mümkinçilikleri üçin Gahryman Arkadagymyza, hormatly Prezidentimize berk jan saglyk, uzak ömür, işleriniň rowaç bolmagyny arzuw etdiler!
Bahargül Begnazarowa
S.A.Nyýazow adyndaky Türkmen oba hojalyk uniwersitetiniň
Diller kafedrasynyň mugallymy
