Oba hojalygynyň ykdysadyýeti we dolandyrylyşy
3360Oba hojalygynyň ykdysadyýeti we dolandyrylyşy fakulteti 1962-nji ýylda döredilen. Fakultetde 3 sany taýýarlyk ugurlary boýunça bakalawr bilim derejeli oba hojalyk ykdysatçylary we programmaçy inženerler taýýarlanylýar:
- Ykdysadyýet (oba hojalygynda);
- Buhgalterçilik hasaba alnyşy we audit (oba hojalygynda);
- Maglumat ulgamlary we tehnologiýalary (oba hojalygynda).
Taýýarlyk ugurlarynyň okuw meýilnamalarynda göz öňünde tutulýan hünär derslerinden bilim berýän mugallymlaryň hünär başarnyklaryny netijeli peýdalanmak hem-de olaryň ylmy-pedagogik tejribelerini kämilleşdirmek maksady bilen, olar ylmy-barlag işlerine giňden çekilýär. Ýurdumyzyň ykdysadyýetine eýeçiligiň dürli görnüşleriniň ornaşdyrylmagy, ykdysady özgertmeleriň geçirilmegi, ykdysatçylaryň hem-de buhgalterlaryň taýýarlanyşyna, täzeçe çemeleşmeleri talap edýär. Ýaşlaryň ykdysadyýet, oba hojalyk hukugy, edara-kärhanalarda işleri guramak we dolandyrmak, ulgamlaýyn seljerme işlerini geçirmek, kompýuter-tehniki serişdelerinden we multimediýa enjamlaryndan netijeli peýdalanmak boýunça endiklerini kämilleşdirmek zerurlygyny ýüze çykarýar.
Fakultetde alty sany kafedra hereket edýär:
- Oba hojalygynyň ykdysadyýeti;
- Oba hojalygynda buhgalter hasaby we audit;
- Oba hojalygynyň guralyşy we dolandyrylyşy;
- Kompýuter tehnologiýasy;
- Tebigy bilimler;
- Diller.
