MILLI BAHAR BAÝRAMY — KALPLARYŇ JOŞGUNY
27917-nji martda S.A.Nyýazow adyndaky Türkmen oba hojalyk uniwersitetinde Milli bahar baýramy — Halkara Nowruz güni mynasybetli talyp gyzlaryň arasynda «Milli bahar baýramy — kalplaryň joşguny» atly döredijilik festiwaly geçirildi.
Baýramçylyk ruhubelentligine beslenen festiwalyň şertlerine görä, oňa gatnaşanlar Halkara Nowruz baýramy hakynda sahnalaşdyrylan çykyşlary, halk döredijiliginden parçalary, çeper okaýyşlary ýerine ýetirip, döredijilik ukyp-başarnyklaryny görkezdiler. Festiwalyň 2-nji şertinde talyp gyzlar «Bereketli türkmen saçagy» atly kitapdan ugur alyp, owadan bezelen işdäaçarlary taýýarlap, olara döwrebap at berdiler. 3-nji şertde talyp gyzlar dürli güllerden çemen taýýarladylar. Festiwal toparlaýyn görnüşde geçirilip, oňa her fakultetden 2 gyzdan ybarat topar gatnaşdy.
Döredijilik festiwalyny uniwersitetiň «Altyn asyr» medeniýet merkeziniň talyplarynyň bahary, Nowruzy, galkynyşly döwrümizi wasp edýän aýdym-sazly çykyşlary bezedi.
Bäsleşigiň ýeňijilerine uniwersitetiň Magtymguly adyndaky Ilkinji Ýaşlar guramasy tarapyndan sowgatlar gowşuryldy.
